നിലവിൽ ലൈംഗികാതിക്രമക്കേസിൽ അന്വേഷണം നേരിടുന്ന ഗുസ്തി ഫെഡറേഷൻ മുൻ പ്രസിഡന്റും ബിജെപി എംപിയുമായ ബ്രിജ് ഭൂഷൺ ശരൺ സിങ്ങിന്റെ വീടുകളിൽ ഡൽഹി പൊലീസ് അടുത്തിടെ പരിശോധന നടത്തിയിരുന്നു. യുപി ലഖ്‌നൗവിലെയും ഗോണ്ടയിലെയും അദ്ദേഹത്തിന്റെ വസതികളിൽ നടത്തിയ പരിശോധനയിൽ ഇയാളുടെ 15 കൂട്ടാളികളെയും ജീവനക്കാരെയും ചോദ്യം ചെയ്തു. കൂടാതെ, സിംഗിനെതിരെ പരാതി നൽകിയ പ്രായപൂർത്തിയാകാത്ത പെൺകുട്ടി മജിസ്‌ട്രേറ്റിന് പുതിയ മൊഴി നൽകിയതായി പോലീസ് സ്ഥിരീകരിച്ചു. പ്രാഥമിക മൊഴി പിൻവലിച്ചതായി അഭ്യൂഹങ്ങളുണ്ടെങ്കിലും പോലീസ് ഇക്കാര്യം ഔദ്യോഗികമായി സ്ഥിരീകരിച്ചിട്ടില്ല. ഏത് മൊഴി സ്വീകരിക്കണമെന്നത് സംബന്ധിച്ച അന്തിമ തീരുമാനം കോടതിയായിരിക്കും.
https://www.manoramaonline.com/news/india/2023/06/07/police-examines-at-brij-hushan-singh-house.html